Në zbatim të planit operacional “Komani”, strukturat e Policisë në Shkodër kanë zhvilluar kontrolle intensive në zonën e liqenit të Komanit dhe kalatës përreth, me synim rritjen e parametrave të sigurisë për qytetarët dhe turistët, lirimin e hapësirave të zëna në mënyrë të paligjshme, si dhe verifikimin e aktiviteteve ekonomike që ushtrohen në këtë zonë turistike.
Si rezultat i kontrolleve të ushtruara nga Specialistët për Hetimin e Krimeve Ekonomike dhe Financiare të DVP Shkodër, në bashkëpunim me Komisariatin e Policisë Vau i Dejës, u proceduan penalisht 5 shtetas që ushtronin veprimtari të paligjshme:
-
R. N., 24 vjeç – u kap në flagrancë duke transportuar vizitorë me varkë në liqenin e Komanit, pa e regjistruar aktivitetin në organet tatimore.
-
L. M., 36 vjeç dhe E. Q., 50 vjeç – transportonin secili nga 50 vizitorë me varka, pa lëshuar kuponë tatimorë për shërbimin.
-
Z. D., 70 vjeç dhe F. D., 48 vjeç – kishin zënë hapësirë publike në mënyrë të paligjshme dhe e kishin kthyer në parking me pagesë, pa autorizim dhe jashtë çdo rregullimi ligjor.
Materialet procedurale i janë referuar Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprat penale:
-
“Ushtrimi i një aktiviteti tregtar të paligjshëm ose të paregjistruar në organet tatimore”
-
“Moslëshimi i kuponit tatimor”
-
“Fshehja e të ardhurave”
Drejtoria Vendore e Policisë Shkodër deklaron se kontrollet në zonat turistike, veçanërisht në liqenin e Komanit, do të vijojnë me intensitet, me qëllim garantimin e rendit dhe sigurisë, mbrojtjen e hapësirave publike dhe formalizimin e çdo aktiviteti ekonomik.
Policia fton qytetarët të denoncojnë çdo rast paligjshmërie në numrin pa pagesë 112, duke garantuar anonimat dhe reagim të menjëhershëm
