Gjykata e Apelit Tiranë ka zbutur dënimin e dhënë nga Shkalla e Parë për Spiro Kserën, ish-ministrin e Punës e të çështjeve sociale, të akuzuar për ‘’vjedhje duke shpërdoruar detyrën’’. Përmes një vendimi të shpallur në datën 12 dhjetor Kolegji i kryesuar nga gjyqtari Astrit Haxhalishi ka caktuar një dënim me dy vite burg për Kserën, nga dy vite e gjysmë që kishte qënë fillimisht.
Edhe pse ka ulur dënimin akuza e shkallës së parë nuk ka ndryshuar për Kserën duke e gjetur atë fajtor për akuzën e ‘’vjedhje duke shpërdoruar detyrën’’. Për shkak të gjykimit të shkurtuar dënimi i tij u ul në 16 muaj heqje lirie. Për shkak të disa proçedurave, ku një ditë në paraburgim cilësohet si një ditë e gjysmë vuajtje dënimi, ish-Ministri është në fund të shlyerjes së dënimit të tij.
Ndërkohë që ai këto ditë është lënë me leje për të qëndruar pranë familjes, ku një mik i tij e ka bërë të ditur lajmin përmes rrjeteve sociale, ku dhe është shprehur se e vërteta do të dalë shumë shpejt në shesh. Vlera e cila akuzohet Ksera dhe disa vartës së tij është 30 mijë lekë të reja, ndërkohë që ai vetë i ka mohuar këto akuza. (E.K/SHUPLAKA)
