Prodhonin dhe tregtonin në mënyrë të kundraligjshme artikuj të ndryshëm, arrestohen 51-vjeçari dhe 33-vjeçari

Policia e Tiranës ka arrestuar 51-vjeçari Shemsi Pira dhe 33-vjeçari Agim Abdullaj. Pas një kontrolli të ushtruar  në banesën e 51 vjecarit  është konstatuar nha policia se ai prodhonte artikuj të ndryshëm ushqimor dhe industrialë në mënyrë të kundraligjshme dhe më pas i hidhte në treg duke i shitur. Po kështu gjatë kontrollit, në automjetin në pronësi Agim Abdullaj, janë gjetur mallra ushqimorë të blerë tek shtetasi Shemsi Pira,si: Paketa pa pullë fiskale, makarona të markës “Jufka” “Vaj Ulliri” e mallra të tjerë pa faturë .

Detaje:

Më datë 23.02.2017 Specialistët e Seksionit për Krimin Ekonomik e Financiar në Drejtorinë Vendore të Policisë Tiranë në kuadër të operacionit “Opsion VI“ kanë bërë të mundur arrestimin në flagrancë të shtetasve: -Shemsi Pira, 51 vjeç, banues nē Tiranë. – Agim Abdullaj, 33 vjeç, banues në Tiranë Arrestimi i këtyre shtetasve është kryer pasi, gjatë një kontrolli të ushtruar në bashkëpunim me AKU dhe Hetimin Tatimor, në ambientet e banesës së shtetasit Shemsi Pira, është konstatuar se ai prodhonte artikuj të ndryshëm ushqimor dhe industrialë në mënyrë të kundraligjshme dhe më pas i hidhte në treg duke i shitur. Gjithashtu po gjatë kontrollit, në një automjet në pronësi të shtetasit Agim Abdullaj, janë gjetur mallra ushqimorë të blerë tek shtetasi Shemsi Pira,si: Paketa pa pullë fiskale, makarona të markës “Jufka” “Vaj Ulliri” e mallra të tjerë pa faturë . Janë gjetur dhe sekuestruar në cilësinë e provës materiale: -3432 kg “Jufka”, -100 l vaj i hapur – 45 l vaj i ambalazhuar, – 48 kuti detergjent “Ver nel” dhe “Budy lotion” -2 kuti me stilolapsa, – ‘Far djathi” 2550 cop 100 gr, – 50 kuti bojra flokësh “Miss Gonneta” dhe “Pur” -80 kuti me perime të konservuara, -10 shishe pije alkolike verë e markës “Vrant” dhe “Vinca Delviso”. Gjithashtu u gjet dhe një makineri me mbishkrimin “SF-TYPE fast peda”, e cila dyshohet se përdorej për falsifikimin e datave të skadencës dhe paketimin e produkteve ushqimore të paligjshme. Materialet i’u kaluan Prokurorisë pranë Gjykatës së Shkallës së Parë Tiranë, për veprat penale “Prodhim i kundraligjshëm i artikujve dhe mallrave industriale dhe ushqimore”, parashikuar nga Neni 288/a , “Fallsifikim i vulave, stampave dhe formularëve”, parashikuar nga Neni 190, “Fshehje e të ardhurave”, parashkikuar nga Neni 180 dhe “Shkelje e të drejtave të pronësisë industriale”, parashikuar nga Neni 149/a të Kodit Penal për shtetasin Shemsi Pirra. Dhe për veprat penale të “Prodhim i kundraligjshëm i artikujve dhe mallrave industrial dhe ushqimor, tregtim dhe transportim i mallrave që janë kontrabandë dhe fshehje e të ardhurave” parashikuar nga Nenet 288/a, 178 dhe 180 të Kodit Penal për shtetasin Agim Abdullaj. (J.V/Shuplaka)