Analisti Kim Mehmeti është një tjetër personazh që ka reaguar pas deklaratës së mbrëmshme të ish-deputetit demokrat Arben Imami, i cili u shpreh se “vihen në listë shtëpiake që kanë pjellë 3-4 fëmijë”.
Në reagimin e tij, Mehmeti shprehet se kjo deklaratë e Imamit i kujtoi ato të antishqiptarëve serbë që i shihnin gratë si “makina” pa ndjenja e pa kokë që shërbejnë vetëm për të pjellë, për të realizuar “Shqipërinë e Madhe”.
Ai shkruan se nuk mund ta besonte se kjo do të dilte dhe nga goja i një politikani shqiptar që tregon se prodhuam “kafshë politike” që po ua hoqe grazhin e shtetit shohin vetëm pjella të pavlera.
Reagimi i Kim Mehmetit:
“Nuk kam dëgjuar thënie më ofenduese e më përbuzëse për femrën shqiptare, nga ajo që e tha ish deputetit i PD-së, se Kryetari i partisë së tij, në listën për deputetë, ka vënë ‘shtëpiake që s’kanë bërë asnjë punë, se kanë pjellë nga 3-4 fëmijë’?! Kjo thënie m’i rikujtoi ofendimet e dhembshme të antishqiptarëve serb, që thoshin për nënat tona se ato janë ‘makina’ pa ndjenja e pa kokë, që shërbejnë vetëm për të ‘pjellë’ fëmijë, edhe atë jo pse i duan dhe pse kanë ndjesi amënore, por për ta realizuar ‘Shqipërinë e madhe’!
Kurrë nuk e besoja se diçka të ngjashme do mund të thotë edhe goja e një politikani shqiptarë, e që tregon se nëpër ‘Shqipëritë’ tona, prodhuam ‘kafshë’ politike, të cilave po ua hoqe privilegjet dhe grazhdin e shtetit – e që e mbushë populli – ata rreth vetes shohin vetëm ‘pjella’ të pavlerë! Po pra, nëpër “Shqipëritë” tona, partitë u bënë strehimore për shumë ‘kufomë ngrënës’, të cilëve edhe femra shqiptare, që nuk rritë votues për ta dhe që ua rrezikon karrierën, nuk u ngjanë në nënë që lind, por në kafshë që pjellë!”
(XH.A/SHUPLAKA)
Discussion about this post