Profesionet e lira/ Tabaku: Do i shkojmë deri në fund betejës sonë! Braçe: Jeni injorantë!

“Protestojmë për profesionet e lira”, “protestojmë për taksën më të lartë të dy dekadave” ishin thirrjet që profesionistët e lirë, bënë disa ditë më para para gjykatës kushtetuese. Në këtë protestë janë parë shumë qytetarë, që mbanin në duar edhe pankarta të ndryshme.

Protestës i janë bashkuar dhe shumë reagime nga figurat politike, ku Nënkryetari i Partisë së Lirisë, Petrit Vasili është shprehur Rama, Qeveria dhe deputetet kane vringelluar armet shteterore, votat ne Kuvend dhe gojen e pisët kunder profesioneve te lira.

Vasili ka vijuar më tej teksa i ka quajtur Imoralë deri ne palcë. Hipokrite, qe qelben ere kanabis dhe Maskarenj, qe qelben era mafie.
Deputeti i Partisë Socialiste, Erion Braçe, i është përgjigjur kërkesës së profesionistëve të lirë, që “i duan taksat sa Erion Braçe”.
Sipas deputetit, këta protestues “janë injorantë që nuk dallojnë dot të ardhurat bruto nga ato neto”. Madje “të njëjtët injorantë nuk dinë që nuk kishin tatim fare, paguanin zero lekë tatim mbi lekët”, shkruan Braçe.
Një ditë pas seancës në Gjykatën Kushtetuese për Profesionet e Lira deputetja e Partisë Demokratike, Jorida Tabaku, ka postuar në rrjetet sociale një video mesazh drejtuar shqiptarëve mbi rëndësin e betejës së nisur nga grupi parlamentar PD.
Sipas saj kjo betejë nuk bëhet thjesht për profesionet e lira që janë 30 mijë të tillë, por kundër një sistemi të korruptuar taksimi që favorizon një pakicë ndërsa diskriminon një shumicë që paguan taksat e larta edhe për pakicën.
sink tabaku
Gjykata Kushtetuese vendosi që ti lërë një afat deri në 21 qershor ankimuesve, që kërkojnë pezullimin e ligjit “Për tatimin e profesionistëve të lirë”, pasi nga padia e depozituar nuk evidentohen pasoja të pariparueshme.
Vendimi përfundimtar nëse do shfuqizohet apo jo ligji ‘Për tatimin e profesionistëve të lirë’ do të merret në 25 qershor.
Seanca në Kushtetuese ka zgjatur 7 orë, ndërsa Gjykata vendosi të refuzojë miratimin e kërkesës për shfuqizimin e pjesshëm të disa e neneve në ligjin për “Tatimin mbi të ardhurat”, deri në marrjen e një vendimi përfundimtar.