Daniel Godelli lindi në Elbasan, më 10 janar 1992. Ai është talenti më i ri i peshëngritjes.
Suksesin më të madh e ka shënuar në Kampionatin Evropian për të Rinj, në qytetin e Durrësit, ku Godelli fiton 3 medalje ari.
Por një sukses të tillë Daniel Godelli, peshëngritësi nga Peqini, ka arritur ta regjistrojë edhe në Kampionatin Evropian U 17, që u zhvillua në Amiens të Francës në vitin 2011.
Në këtë kampionat, Godelli është shpallur Kampion i Evropës në stilin e shkëputjes, duke arritur të ngrejë plot 118 kg.
Më pas, talenti 17 vjeçar i shtangës ka arritur të fitojë edhe medaljen e arit në stilin i shtytjes, duke ngritur plot 145 kg, e duke mahnitur të gjithë.
Është shpallur njëkohësisht edhe kampion i Evropës në dygarësh me 263 kg.
Peshëngritësi Daniel Godelli sapo ka fituar medaljen e artë në stilin e shkëputjes në peshën 77 kg në Kampionatin Europian të Peshëngritjes që po zhvillohet në Split të Kroacisë.
Një rezultat fantastik i shtangistit kuqezi, që vetëm në provën e tretë dhe të fundit arriti të bëjë mrekullinë, duke marrë medaljen e artë. Godelli, pasi dështoi të ngrejë 156kg në provën e parë dhe 158 kg në provën e dytë, tenton 161 kg në provën e tretë, duke rrezikuar shumë. (M.D/ Shuplaka)
