Reshjet e dendura të shiut kanë shkaktuar probleme me banesat në Memaliaj. Dy banesa pranë kishës së qytetit janë përmbytur nga ujërat ndërsa forcat zjarrfikëse kanë ndërhyrë për largimin e banorëve dhe të ujit.
Kjo situatë mësohet se ka ardhur si pasojë e punimeve që kryen ka nisur Bashkia e Memaliajt
Ndërkohë që punimet kanë vazhduar me ritme të ngadalta, në zonë janë krijuar gropa të shumta e për pasojë është bllokuar edhe rrjeti i kanalizimeve.
Raportohet nga burimet se nuk është bërë asnjë investim për kanalizime apo sistemimin e zonës.
Ky projekt nisi pas zgjedhjeve të fundit të 30 qershorit ndërsa mësohet se pjesë e tij ishte edhe sisitemimi i kanalizimeve por që në fakt situata është kështu sikurse e shikoni.
Intensitet i lartë i reshjeve në Fier si dhe bllokimi i kanaleve kulluese sjellin probleme këtë paasdite edhe në aksin rrugor Fier-Ballsh.
Gjatë gjithë gjatësisë se këtij aksi rrugor ka pasur prani të ujit në rrugë për shkak të bllokimit të pusetave, ku është dashur ndërhyrja e zjarrëfikses Patos por edhe policia e cila ka marrë nën kontroll situatën pasi rrezikoheshin banesat aty pranë.
Nga ana tjetër, Policia ka dalë në rrugë duke menaxhuar trafikun por edhe këshilluar drejtuesit e mjeteve në këtë aks për shkak të rrezikut për aksidente.
Sipërfaqe të konsiderueshme toke bujqësore ndodhen nën ujë.
Lumi Vjosë, Semani dhe Gjanica kanë pasur prurje të shumta por në nivele të cilat nuk rrezikojnë përmbytje si vitet e kaluara ndëra nga ana tjetër janë shënuar dëme të konsiderueshme në të mbjella.
Këto janë pamj në dalje të fshatit Kakruke në aksin rrugor Berat-Çorovodë:
(F.GJ/FAXWEB.AL)
Discussion about this post