Kryeministri Edi Rama Gjatë fjalës së tij në një takim më artistë ku i pranishëm është edhe kryebashkiaku Veliaj, për prezantimin e projektit të Teatrit Kombatar ka thënë se godina do të prishet dhe mbi rrënojët e saj do të ngrihet godina e re e Teatrit Kombëtar që sipas tij do të jetë model dhe e standarteve europiane, ndryshe nga e tanishmja që sipas Ramës është jashtë çdo lloj standarti.
“Nga 3 mijë metra katrorë që keni rrënojë në dispozicion do keni 9 mijë, nga 1 sallë do të keni 4. Do kemi shumëfishim të hapësirave për artistët dhe të gjitha shërbimet, salla kryesore nga 480 vende, do ketë 620 poltrona, ku krijohet dhe një sallë e re mbi teatër me mbi 100 vende, me 2 salla të reja me nga 100 vende secila. Kemi jo thjesht një teatër të ri, por që do jetë trefishi i këtij që është sot dhe që do të ketë një sistem të tërë infrastrukturë përreth hapësirave ku zhvillohen shfaqjet që sot nuk ekziston. Do ketë edhe hapësirën e yjeve të shuar dhe të pashuar të historisë të teatrit
kush ka kaluar në at histori dhe ka lënë gjurmë të pashlyeshme por s’jetojnë më, do jetojë aty si shëmbëlltyrë në hapësirën e përgatitur enkas.
Ndërsa ata që dalin e bëjnë protesta, do duhet të mendojnë si të lërë yllin e vet aty se godinës s’ka çfarë i bën, mbi gërmadhat e të shkuarës do ngrihet teatri i ri kombëtar, tha Rama.
Më pas kryeministri tha se projekti është pjesë e një propozimi të partneritetit publik-privat, duke shtuar se nuk është një teatër me kullë por edhe nëse do të ishte nuk përbënte një mëkat.
“Projekti është pjesë një propozimi të partneritetit publik-privat. Nuk është teatër me kullë por nuk është mëkat nëse do të ishte nën kullë, unë besoj që këtu nuk diskutohet historia se çfarë ka sipër apo çfarë ka ansh”, tha Rama. (B.H/Faxweb)
Discussion about this post