Projekti për “Unazën e Re”, banorët në ditën e tretë të protestës: Këtu do vdesim, do flijohemi

Banorët e “Astirit” kanë dalë sërsih në protestë kundër prishjes së shtëpive të tyre në kuadër të “Unazës së Re”.

Ata kanë bllokuar rrugën dhe kanë paralajmëruar se nuk do të lejojnë prishjen e shtëpive të tyre pa i shpronësuar ashtu siç u takon apo pa u gjetur banesa të reja.

Ata nuk pranojnë propozimin e Bashkisë Tiranë që të gjejnë banesa me qera e cila do të paguhet nga bashkia, pasi nuk është një zgjidhje afatgjatë.

 “E more vesh qa bëhet, nuk e lirojmë rrugën deri sa ai të na japë përgjigje ne. Zoti Kryeministër të na dalë në televizor dhe të na sqarojë, nuk na tremb. Po tallet ai me ne. Pa na marrin shtëpitë pa na lajmëruar”, tha njëri nga banorët.

Ndërkohë një tjetër qytetare e cila ishte gjithashtu shumë e revoltuar me sjelljen e Bashkisë Tiranë, u shpreh se ata duan banesat e tyre pasi përndryshe do të flijohen me gjithë familje pasi nuk kanë ku shkojnë.

“Ta dinë mirë do të flijohemi këtu, me gjithë çunat e mi”, u shpreh ajo.

“Të vijë të na shpronësojë nga fillimi deri në fund, jam me hipotekë, ai jep një shifër qesharake. Asnjë lloj kompensimi nuk na kanë dhënë, ku të shkopjmë pas një 1 viti, edhe një viti,”, tha një tjetër protestuese.

“Erioni më merr përditë taksat. Ne kërkojmë shtëpi, banesë, e kemi në proces legalizimi, s’na kanë kthyer përgjigje. I kemi paguar të gjitha sipas rregullores, të na japin një zgjidhje të paktën. Unë kam 20 vjet këtu. Brenda kësaj jave na kanë thënë me dalë, me gjet një shtëp me qera për një vit, turp të kenë si e thonë këtë”, deklaroi një tjetër protestues.

Ata kanë theksuar se nuk do të tërhiqen deri në fund nga kërkesat e tyre dhe nuk do të lejojnë prishjen e banesave.

(B.H/Faxweb)