Forumi për Mbrojtjen e Trashëgimisë Kulturore ka publikuar një foto nga qyteti i Durrësit dhe Torrës në veçanti, pamja e së cilës nuk të sjell më ndërmend një qytet bregdetar dhe turistik, por një “Zonë Lufte”.
“Përçudnimi që do i bëhet peisazhit të Durrësit, dhe Torres, me projektin VELIERA.”, shkruhet krahas fotos.
Projekti VELIERA është prezantuar nga Kryebashkiaku Vangjush Dako që në prill të vitit të kaluar.
Punimet me vlerën e 6 milion dollarëve, sipas Dakos do të tërheqin mijëra turistë pasi do të jetë një objekt origjinal e i vizitueshëm që do t’i japë Durrësit një imazh të vërtetë të një qyteti turistik.
Punimet kanë nisur që në nëntorin e kaluar dhe sipas projektit, sheshi i ri publik do të ketë një sipërfaqe prej 12 mijë metrash katrorë dhe vela mbi të do të jetë 2 mijë metra katrorë. Megjithatë rezultatet ngelen për t’u parë. (D.D/Shuplaka)
Discussion about this post