Prokurori fatlum në llotari, çfarë vendimi mori për të mazhoranca

Ditën e djeshme lajmi se një nga kandidatët për kryeprokurorë kishte fituar rreth 10 mijë dollar në lloto u përhap me shpejtësi. Dhe pas kësaj duket se edhe mazhoranca ka ndërmarrë hapat e saj. Ajo e ka skualifikuar Artur Selamin nga gara.

Artur Selmani i Prokurorisë së Përgjithshme në vitin 2004 do të deklaronte një pagë vjetore prej 1. 4 milion lekësh. Ndonëse për këtë prokuror nuk ka shumë të dhëna veç një kredie të marrë me një afat 25 vjeçar ajo që të bie në sy është se Selmani ka fituar një lloto sportive në vitin 2007, shkruan ‘’Sosneës”.  

Sipas deklarimit të depozituar në ILDKPI Selmani ka fituar jo pak por plot 4 mijë dollarë në një kompani bastesh. Por nuk përfundon me kaq. Në vitin 2008 Selmanit i ka ecur sërish fati dhe fiton një tjetër skedinë prej 2 mijë dollarësh.

Sërish në vitin 2009 skedina fituese në lloto i sjell atij 4 mijë dollarë të tjera. Pra në një hark kohor prej 3 vitesh prokurori thotë se ka fituar shumën 10 mijë dollarë në baste sportive. Mesa duket edhe nga deklarimet Selmani është një ekspert i vërtetë i futbollit.

“Përmbush kushtin formal të jo më pak se 15 vjet përvojë pune si prokuror. Plotëson pjesërisht kushtet që lidhen me kriterin moral dhe professional të kandidatit. Duhet të shihni shkresën e ILDKP-së. Ky kandidat plotëson kërkesat e ligjit sa I përket të shkuarës në komunizëm. Ka një masë disiplinore, nuk ka gradën shkencore në drejtësi, kusht që kërkohet nga Kushtetuta e Shqipërisë”, u shpreh sot Bledi Çuçi.

(E.K/FAXWEB)