Ka nisur seanca në Komisionin e Pavarur të Kualifikimit për prokurorin Dritan Prençi.
Prençi është një nga prokurorët e çështjes së hetimeve për ish-ministrin e brendshëm, Saimir Tahiri të vënë nën hetim për trafik droge.
Sipas asaj që ka konstatuar KPK, nuk ka ndonjë të metë në deklarimin e pasurisë nga ana e Prençit.
Prençi ka qenë i vetëm përballë komisionit, duke mos pranuar që të mbrohet nga ndonjë avokat.
Prençi ka një apartament prej 74 metra katrorësh të blerë në zonën e Kasharit, të cilën e ka shlyer përmes një kredie. Po ashtu ai zotëron një mjet Volfsvagen, të cilën e ka blerë kundrejt shumës së 2 mijë eurove.
Dritan Prençi e ka filluar karrierën e tij në sistemin e drejtësisë si oficer i policisë gjyqësore në rrethin e Tropojës. Ai ka shërbyer për disa vite si prokuror dhe drejtues prokurorie në Tropojë, Kukës dhe Kurbin përpara se të emërohej në Prokurorinë e Krimeve të Rënda në Tiranë. Prençi është gjithashtu kandidat për Këshillin e Lartë të Prokurorisë
(E.K/FAXWEB.AL)
