Prokuroria e Krimeve të Rënda merr në dorë hetimin për zhdukjen e 1300 kontenierëve me mbetje, të cilat po përfliten nga mediet italiane dhe ato maqedonase se kanë hyrë në Shqipëri, por nuk kanë dalë kurrë prej vendit tonë.
Prokuroria e Durrësit nisi sot verifikimet pas lajmit të mediave italiane për kontenierët me mbeturina. Frika se këto mbetje janë groposur në vendin tonë është kthyer në një problem vërtet serioz.
Mediat italiane shkruanin për zhdukjen e rreth 1 mijë kontenierëve në Shqipëri gjatë 2016, destinacioni i të cilave ishte Maqedonia, rreth 28 mijë e 600 tonë.
Më herët ka reaguar edhe Drejtoria e Përgjithshme e Doganave, e cila ka mohuar që në portin shqiptar të Durrësit të kenë kaluar ilegalisht kontenierë të tillë, duke nënvizuar se gjithçka ka qenë nën kontroll.
Ndërkohë që po sot Aleanca Kundër Importit të Plehrave i bëri kërkesë zyrtare Prokurorisë së Përgjithshme dhe dy ministrive për nisjen e hetimeve. (V.G/SHUPLAKA)
