Klevis Balliu ishte i ftuar këtë pasdite në Fax News për të folur mbi akuzën e lehtësuar ndaj fisit Rraja.
I intervistuar nga gazetari Egon Loli, shefi i organizimit në PD hodhi akuza se drejtësia është e frikësuar nga Rrajat dhe qeveria e Edi Ramës.
Sipas tij kjo akuzë u ndërrua në “plagosje e lehtë”, pasi prokuroria ka firkë mos i ndodh e njëjta gjë që i ndodhi edhe dy pjesëtarëve të fisit Maja të cilët u dhunuan barbarisht me shkopa bejsbolli.
Klevis Balliu: “Nuk bëhet fjalë për një individ tek Rrajat. Rrajat janë nipi, xhaja, daja, djali, është i gjtihë familja e përfshirë në këto biznese. Dikush në plagosje, dikush në trafik droge, dikush me vrasje. Çdo element kriminal, 1 nga pjestarët e tyre është i përfshirë. Dhe kjo familje çfarë bën?! Bëhet një denoncim në policinë e shtetit. Këta marrin vesh që është bërë denoncimi dhe shkojnë dhe i rrahin qytetarët në mënyrën më barbare dhe këta e filmojnë vetë. Nuk i ka filmuar policia. Pse e filmonin vetë?! Për t’i treguar çdo qytetari shqiptar që kush flet kundër nesh ja se çfarë të bëjmë. Dhe video funksionoi. Kjo prokurori e ndërroji akuzën se mos ka frikë se mos i vijnë atyre?! Ai eksperti mjeko-ligjorë i caktoi këto dëmtime të lehta, pas asaj dhune makabre se mos ka frikë se mos i vijnë Rrajat edhe atij në shtëpi?! Qartazi drejtësia nuk merr masa ndaj Rrajave, sepse Rrajat janë shteti”, thotë Balliu.
Sipas Balliut gjithçka në Shqipëri është një katastrofë, jo vetëm drejtësia.
Kemi të bëjmë me një narko-shtet në shërbim të kryeministrit Rama. Edhe Rrajat i shërbejnë atij pasi marrin vota për të, ndërsa qeveria mbyll sytë për krimet e tyre.
Klevis Balliu: “Këtu gjithçka është në një katastrofë ekonomike, edhe për sigurinë edhe për jetën e qytetarëve. Nuk ka njeri që e voton Edi Ramën. Por Edi Rama çbën? Në narkoshtet ka narko zgjedhje. Edi Rama të vjen ose me thasin me para, ose të vjen me shkopat e bejsbollit të Rrahman Rrajës. Rrahman Rraja votat për Edi Ramën i merr për këto arsye, që aktiviteti i tij kriminal të vazhdojë i qetë dhe i padëmtuar. I jep votat qeverisë dhe qeveria mbyll sytë për krimet e tyre. Dhe ja ku i keni provat. Ajo dhunë makabre, kjo qeveri, kjo prokurori, prokuroria Felaj e quan plagosje e lehtë”, u shpreh Klevis Balliu.
