Prokuroria e Përgjithshme: 40 procedime për zyrtarë të administratës, midis tyre një nga “Tatimet”

Prokuroria e Përgjithshme ka deklaruar sot se javën e fundit janë bërë 40 procedime për zyrtarë të ndryshëm të administratës.

Sipas Prokurorisë,  zyrtarët nuk deklaruan problemet me ligjin penal në të kaluarën.

Hetim po bëhet edhe për një zyrtar të lartë në Drejtorinë e Përgjithshme të Tatimeve.  

Këto veprime të Prokurorisë vijnë në kuadër të ligjit për Dekriminalizimin. 

Ende nuk është nxjerrë lista e plotë e 40 zyrtarëve që janë proceduar nga Prokuroria. Nga ligji i Dekriminalizimit janë prekur disa deputetë si  Shkëlqim Selami, Dashamir Tahiri dhe ish- kryebashkiaku i Kavajës, Elvis Rroshi. 

Ky ligj ka për synim pastrimin e sferës politike nga persona të inkriminuar dhe me rekorde kriminale. Procesi ka filluar përmes dorëzimit të formularëve të dekriminalizimit ku personat e politikës duhet të tregojnë të shkuarën e tyre. (M.D/ Shuplaka)