Në vijim të konferencës për shtyp, Drejtoresha e Kabinetit në Prokurorinë e Përgjithshme, Fjorida Ballauri, bëri me dije se Shtetet e Bashkuara të Amerikës i ka refuzuar vizën Prokurorit Adriatik Llalla dhe gruas së tij, si dhe një ditë para hedhjes së shortit kandidati i tyre u thirr nga konsulli. Fakti që ai u kërkua në takim një ditë përpara shortit vlerësohet si manovër aspak diplomatike.
“Prokurori i Përgjithshëm u thirr me urgjencë nga konsulli i SHBA-ve, por nuk u prit nga ai, por nga një tjetër punonjës. Nga një punonjës dhe jo nga konsulli, atij iu bë me dije revokimi i vizës.”, u shpreh Ballauri.
Më tej, Drejtoresha e Kabinetit në Prokurorinë e Përgjithshme, shprehet se Prokuroria e Përgjithshme mundet me të drejtë t’i cilësojë si hakmarrje personale veprimet e ambasadorit. Prokuroria e Përgjithshme thekson se nuk do të bjerë pre e manipulimeve, kaq të shpeshta përpara zgjedhjeve:
“Ambasada amerikane në Tiranë u ka revokuar vizat edhe disa zyrtarëve të tjerë. Qëndrimet e ditëve të fundit të ambasadorit Donald Lu për revokimin e vizave i shohim si qëndrime të kundërta. Pra ne do të guxojmë të shprehemi se kjo është një hakmarrje e tij personale ndaj Prokurorisë së Përgjithshme.
Prokurori i Përgjthshëm dhe Prokuroria e Përgjithshme iu siguron se do të vijojë të përmbushë detyrimeët e saj. Nuk do të shantazhohet nga asnjë faktor në përmbushjen e detyrimeve. Jemi të vetëdijshëm që segmemtë të ndryshme politike me mbështetjen e faktorëve të huaj do guxojnë shantazhimin. Iu sigurojmë edhe se Prokuroria e Përgjithshme do të vijojë të mbështesë zbatimin e reformës në drejtësi.”
(XH.A/SHUPLAKA)
