Prokuroria e Përgjithshme ka publikuar raportin për gjendjen e kriminalitetit në vend, për vitin 2024.
Sipas raportit, pesha e vrasjeve me dashje dhe me paramendim ka pësuar një rritje. Ndërsa vrasjet në rrethana të tjera cilësuese, kanë pësuar ulje.
“Kanosja”, sipas raportit, që në vitin 2024 zë 64,87 % të procedimeve të regjistruara për këto grup vepra, ndërkohë që në vitin 2023 ka qenë 76,90 %.
VEPRAT PENALE KARAKTERISTIKE TË GRUPIT
Vrasja me dashje
Pesha specifike që zë kjo vepër penale në grupin e veprave penale “Krime kundër jetës të kryera me dashje” për vitin 2024 është 12,46 %, ndërsa në vitin 2023 ka qenë 4,83 %.
Të dhënat statistikore tregojnë se në vitin 2024 janë regjistruar 44 procedime për veprën penale të parashikuar nga neni 76 i Kodit Penal “Vrasja me dashje”, që përbëjnë një rritje prej 3,14 herë krahasuar me 14 procedime të regjistruara në vitin 2023.
Vrasja me paramendim
Pesha specifike që zë kjo vepër penale në grupin e veprave penale “Krime kundër jetës të kryera me dashje” për vitin 2024 është 8,78 %, ndërkohë që në vitin 2023 ka qenë 5,17 %.
Nga të dhënat statistikore rezulton se në vitin 2024 janë regjistruar 31 procedime penale për veprën penale të parashikuar nga neni 78 “Vrasja me paramendim”, që krahasuar me 15 procedime të regjistruara në vitin 2023, përbëjnë rritje prej 2,07 herë.
Vrasja në rrethana të tjera cilësuese
Pesha specifike që zë kjo vepër penale në grupin e veprave penale “Krime kundër jetës të kryera me dashje” është 5,10 % për vitin 2024, ndërkohë që në vitin 2023 ka qenë 5,86 %.
Nga të dhënat statistikore rezulton se në vitin 2024, janë regjistruar 18 procedime penale për veprën penale të parashikuar nga neni 79 i Kodit Penal “Vrasja në rrethana të tjera cilësuese”, që ndaj 17 procedimeve të regjistruara në vitin 2023, përbën rritje 5,88 %.
Vrasja për shkak të marrëdhënieve familjare
Pesha specifike që zë kjo vepër penale në grupin e veprave penale “Krime kundër jetës të kryera me dashje” është 4,25 % për vitin 2024, ndërkohë që në vitin 2023 ka qenë 4,14 %.
Nga të dhënat statistikore rezulton se në vitin 2024 janë regjistruar 15 procedime penale për veprën penale të parashikuar nga neni 79/c i Kodit Penal “Vrasja për shkak të marrëdhënieve familjare”, që ndaj 12 procedimeve të regjistruara në vitin 2023, përbën rritje prej 25 %.
Kanosja
Në grupin e veprave penale “Krime kundër jetës të kryera me dashje” peshën specifike më të lartë e përbën vepra penale e parashikuar nga neni 84 i Kodit Penal “Kanosja”, që në vitin 2024 zë 64,87 % të procedimeve të regjistruara për këto grup vepra, ndërkohë që në vitin 2023 ka qenë 76,90 %.
Nga të dhënat statistikore rezulton se në vitin 2024 ka një rritje prej 2,69 % të procedimeve penale të regjistruara për këtë vepër krahasuar me vitin 2023, nga 223 në 229 procedime.
