Prokuroria e Stambollit kërkon 40 dënime të përjetshme për sulmuesin e klubit të natës në mbrëmjen e Vitit të Ri

Prokuroria e Stambollit ka kërkuar 40 burgime të përjetshme dhe dënim me burg deri në 2.397 vite për shtetasin Abdulgadir Masharipov, i cili në mbrëmjen e Vitit të Ri kreu sulm terrorist në klubin e natës në Ortakoy, ku humbën jetën 39 persona, raporton Anadolu Agency.

Prokuroria ngriti aktakuzë prej 90 faqesh kundër 57 të dyshuarve, prej të cilëve 51 të arrestuar, mes të cilëve gjendet edhe Masharipov. Për Masharipov janë kërkuar 40 burgime të përjetshme për çdo viktimë të vrarë.

Rikujtojmë se gjatë sulmit terrorist në natën e Vitit të Ri në klubin “Reina” të Stambollit humbën jetën 39 persona, ndërsa disa dhjetëra u plagosën. 

Abdulgadir Masharipov, i cili e pranoi se është pjesëtar i organizatës terroriste DEASH, ka qenë edhe me një fletarrest në Uzbekistan, prej ku e ka origjinën e tij. 

Aktakuza i është dërguar Gjykatës në Stamboll. (M.D/Shuplaka)