Futbolli jo vetëm në Shqipëri po edhe në botë jorrallëherë përfshihet nga akuzat për trukime. Një kauzë e tillë qëndron ëedhe mbi ndeshje të kampionatit shqiptar. E më konkretisht ndeshja mes Flamurtarit dhe Teutës e cila përfundoi me rezultatin 2-1 deri pak koëh më parë ishte dhe nën hetim nga prokuroria me dyshime për trukim.
Por nga ajo që raporton një e përditshme këto hetime janë pezulluar. Kjo sepse priten që në dispozicion të hetimeve të vihen edhe disa material nga ana e UEFA-së.
“Çështja e ndeshjes Flamurtari-Teuta 2-1, e cila dyshohet se është e trukuar, është pezulluar nga Prokuroria. Nuk mund ta mbanim hapur pafundësisht këtë çështje. Presim informacione nga UEFA. U kemi dërguar kërkesë me shkrim dhe ne do të hapim çështjen sapo të mbërrijnë. Duam që t’i shkojmë deri në fund, por na duhen edhe të dhëna të tjera, pasi ato që kemi grumbulluar janë të pamjaftueshme”, tha Ramadan Troci, kryeprokuror i Vlorës. (E.K/SHUPLAKA)
