ISHTI deri më tani nuk ka sjellë asnjë ekspertizë për vdekjen e Drilona Duriçit në ashensor disa ditë më parë në zonën e Dajtit në Tiranë. Prokurioria e Tiranës ka kërkuar ekpertizën nga ISHTI-ja. Sipas saj pas kësaj ekpertize do të përcaktohen edhe përgjgësit penalë për këtë ngjarje. Prokuroria sqaron se ende nuk është përcaktuar shkaku pse ndodhi zjarri në ashensor.
29-vjeçarja Drilona Duriçi që ndërroi jetë pak ditë më parë si pasojë e zjarrit që përfshiu ashensorin e pallatit në zonën e “Freskut”, mësohet se ishte 6-muajshe shtatzënë.
Ajo ishte në pritje të fëmijës së saj të dytë kur vdiq tragjikisht mes flakëve që përfshiu ashensorin. E reja Drilona Duriçi e kishte përdorur edhe dy herë ashensorin ditën e ngjarjes për të çuar djalin në shkollë.
Burime të policisë shprehin dyshimet se shkak i aksidentit mund të jetë bërë mungesa e një kontrolli teknik të ashensorit. Nga dëshmitë e banorëve të pallatit rezulton se prej rreth 4 muajsh nuk ishte kryer asnjë kontroll.
“Personi përgjegjës që merrej me mirëmbajtjen e ashensorit kishte hequr dorë nga kjo punë, për shkak se banorët nuk e paguanin.”, shkruan një gazetë e përditshme. Ky person është marrë në pyetje në Komisariatin nr. 4 të Policisë së Tiranës.
Bëhet e ditur se pallati në rrugën e “Thesarit” te zona e “Freskut” ku ndodhi ngjarja, nuk kishte administrator, ndryshe nga pallatet e tjera në atë zonë.
Amortizimi, mungesa e mirëmbajtjes dhe cilësia e dobët e ashensorit duket se kanë shkaktuar zjarrin vdekjeprurës. Në këto rrethana, ende nuk ka autorë të dyshuar ose akuza konkrete.(J.V/Shuplaka)
Discussion about this post