Prokuroria jep pretencën për Klement Balilin, sa vite burg rrezikon

Prokuroria e Krimeve të Rënda ka dhënë pretencën për Klement Balilin.

Prokuroria ka kërkuar 18 vite burg për të ashtëquajturin Eskobari i Ballkanit.

Kujtojmë se Balilit iu pranua nga ana e Gjykatës kërkesa për gjykim të shkurtuar, dhe përmes kësaj, dënimi i tij do të ishte 12 vite sipas kërkesës së Prokurorisë.

Kujtojmë se Balili akuzohet për disa vepra penale, nga trafiku i lëndëve narkotike të kryer në bashkëpunim, e deri tek pastrimi produkteve të veprës penale.

Ish-kreu i Transporteve të Sarandës akuzohet gjithashtu për refuzim të deklarimit, deklarim të rremë dhe fshehje e pasurive dhe interesave private të personave të zgjedhur dhe nëpunësve publikë.

Dyshohet se gjatë periudhës që ka qenë në këtë post, Klement Balili ka fshehur të ardhurat e siguruara nga trafiku i drogës në drejtim të Greqisë.

Kujtojmë se Balili qëndroi për disa vite në arrati, dhe si përfundim u vetëdorëzua në Polici, në kohën kur dosja e tij u dërgua në Gjykatë.

(E.K/FAXWEB.AL)