Prokuroria kërkon 3 vjet burg për ish-drejtorin e Tatimeve Androkli Kokthi, përfiton nga gjykimi i shkurtuar

Prokuroria kërkon 3 vjet burg për ish-drejtorin e Tatimeve Tiranë, Androkli Kokthi, të cilit do t’i reduktohet me 1/3 për shkak të gjykimit të shkurtuar. Prokuroria e Tiranës kërkon gjithashtu dënimin për 6 persona, të akuzuar si të përfshirë në skemën mashtruese “Fullpet”, e cila i ka shkaktuar shtetit një dëm që llogaritet në rreth 500 milionë lekë të reja.

”Në përfundim të gjykimit, Prokuroria e Tiranë kërkoi dënimet, si më poshtë:

1. Androkli Kokthi, ish-drejtor i Tatimeve Tiranë, të dënohet me 3 vjet burg

2. Ibrahim Aktoz, të dënohet me 4 vjet burg

3. Ekrem Oztemel, të dënohet 7 vjet burg

4. Fabian Goci, të dënohet me 8 vjet burg

5. Aurel Preni, të dënohet me 8 vjet burg

6. Fiqiri Hoxha, të dënohet me 8 vjet burg

Procesi ndaj të pandehurve është zhvilluar me gjykim të shkurtuar dhe ata përfitojnë uljen me 1/3 e dënimit, nëse shpallen fajtorë nga gjykata.”, jep detaje prokuroria. (V.G/SHUPLAKA)