Prokuroria e Tiranës ka kërkuar sot 87 vjet burg në total për 3 të rinjtë të akuzuar për vrasjen e Marvi Mihalit. Mësohet se sot Prokuroria ka kerkuar 24 vite burg per Dejvi Bitraj, 20 vite burg për Marsel Allën, 25 për Kridens Allën dhe 18 vite burg për Eugen Bitraj.
Pas dhënies së pretencës babai i Eugen Bitraj është shprehur se pretenca lexohet në mënyra të ndryshme dhe se fëmijët janë nga 18-vjeç dhe se janë të trembur.
Marvi Mihali 22 vjeç u vra në datë 31 korrik 2017 dhe siç u zbardh nga dëshmitë e mëpasme shkak ishte një karikues telefoni që njëri nga autorët e ngjarjes nuk ia kish dhënë shokut të Mihalit.
Momenti i vrasjes së Mihalit ishte fiksuar dhe nga një kamerë e një biznesi privat ku shihen Dejvi Bitraj, Eugen Bitraj, Marsel Alla, Kridens Alla dhe shumë të tjerë të cilët kishin rrethuar zonën, për tu bërë pritë bashkëmoshatarëve të tyre, Armend Haxhiut, Xhoslin Shatës, Marvi Mihalit.
Një nga organizatorët e krimit i bën me shenjë grupit të sulmi, se po vjen Armendi, Marvi dhe Xhoslini. Në atë moment, del në skenë Dejvi Bitraj, i cili shkëmben fjalë me Armendin, por ky i fundit, nuk duron dhe e godet me grusht. Në atë moment, grupi i agresorëve, rrethojnë Marvin, Armendin dhe Xhoslinin.
Sipas videos, shihet qartë që Marvi as nuk ka sulmuar njeri, as nuk ka goditur njeri, por është qëlluar për vdekje nga bashkëmoshatarët e tij.
Prindërit e Mihalit kanë kërkuar drejtësi për djalin e tyre, ose do të bëjnë vetë gjyqësi.
