Prokuroria e Tiranës ka patus një hetim të dyzuar përsa i përket vdekjes së Ardit Gjoklajt më landfillin e Sharrës. Fillimisht ajo ka nisur një hetim pë firmën që merrj me përpunimin e mbetjeve dhe më pas edhe për përgjegjësinë e mundshme nga Bashkia e Tiranës.
Ndërkohë sot Prokuroria bën me dije se për vdekjen e 17-vjeçarit gjenden përgjegjës dy persona. Ata janë përgjegjësi i turnit të tretë i kompanisë ”3R” Dëfrim Hakrama dhe fadromisti Edmond Kollari. Ndërkohë që hetimet për Bashkinë e Tiranës dhe shoqërinë ”Eco Tirana” do të vijojnë.
Sipas Prokurorisë Gjoklaj ishte pjesë e firmës ”3R” prej një muaji dhe në momentin që u gjet i vdekur ai ishte i veshur me kostumin e punës.
DETAJET NGA PROKURORIA:
Prokuroria e Tiranës përfundon hetimet dhe dërgon për gjykim dy persona të akuzuar se, për shkak të shkeljes së rregullave në punë, kanë shkaktuar vdekjen e 17-vjeçarit Ardit Gjoklaj, i cili po punonte në landfillin e përpunimit të mbetjeve në Sharrë, ngjarje e ndodhur në datë 07.08.2016.
Nga hetimi rezulton se përgjegjësi i turnit i kompanisë “3R” që menaxhonte përpunimin e mbeturinave, shtetasi Dëfrim Hakrama, si edhe fadromisti Edmond Kollari, nuk kanë respektuar rregulloret për mënyrën e punës, si pasojë e të cilave ka mbetur i vdekur shtetasi Gjoklaj, i cili punonte pranë kësaj kompanie. Për këtë çështje, krahas hetimeve të nisura për vdekjen e 17-vjeçarit, janë duke u zhvilluar hetime edhe për përgjegjësitë e mundshme të kompanisë “3R”, shoqërisë “Eco Tirana” dhe Bashkisë së Tiranës, bazuar në një kallëzim të dorëzuar nga grupi i këshilltarëve bashkiakë të Partisë Demokratike.
Hetimi për kompanitë dhe Bashkinë e Tiranës u veçua nga hetimi kryesor për vdekjen e Ardit Gjoklaj, për faktin se po përfundonin afatet e paraburgimit për dy personat e konsideruar përgjegjës për vdekjen e punëtorit, për të cilët përfundoi hetimi dhe u dërguan për gjykim. Nga hetimi për të pandehurit Dëfrim Hakrama dhe Edmond Kollari, ka rezultuar se: Në datën 7.8.2016, rreth orës 14.20, policia gjyqësore u njoftua se ne vendin e quajtur “Landfilli i Sharrës” Tiranë ishte gjetur një kufomë në grumbullin e mbeturinave pranë sheshit të riciklimit.
Kufoma ishte e seksit mashkull në të cilën nga këqyrja që ju bë u vërejtën plagë të shumta, si ato të shkaktuara nga mjete të tonazhit të rëndë. Trupi i dëmtuar i këtij shtetasi u dërgua në Institutin e Mjekesise Ligjore, ku u bë dhe identifikimi i tij dhe rezultoi se ishte shtetasi Ardit Gjoklaj, i datelindjes 1999 (17 vjec), lindur në Tropojë dhe banues tek ish kombinati tekstil, Tiranë. Shtetasi Ardit Gjoklaj punonte në landfillin e Sharrës, prej afërsisht një muaji, aty ku subjekti “3R” sh.p.k ushtron aktivitetin e përpunimit dhe riciklimit të mbetjeve urbane në bazë të një aktmarreveshje me Bashkinë Tiranë, i cili edhe në momentin e gjetjes së tij, ishte i veshur me uniformën e punëtorit në landfill (kominoshe ngjyrë gri dhe doreza te gomuara pune).
Nga keqyrjet ne vendin e ngjarjes u konstatua se zyra e shoqërise “3R” sh.p.k, e cila gjendet ne ambjentet e landfillit është e përshtatur në një kontenier, ku në këtë zyre u gjeten disa praktika me emra –mbiemra sipas turneve, me data te ndryshme, të cilat u sekuestruan dhe aty figuron i shënuar edhe emri i shtetasit Ardit Gjoklaj deri ditën e ngjarjes. (E.K/SHUPLAKA)
