Prokuroria e posaçme e Maqedonisë ka bërë me dije se do ngrejë akuza kundër 94 personave fizikë dhe shtatë juridikë.
Në lidhje me akuzën e re Prokuroria e Posaçme do të kërkojë masa paraburgimi për 18 vetë, në mesin e të cilëve janë edhe ish-kryeministri Nikolla Gruevski, ish-drejtori i Shërbimit të Sigurimit, Sasho Mijallkov, ish-sekretarët e përgjithshëm të qeverisë Martin Protugjer dhe Kiril Bozhinovski, ish-ministrat e Transportit, Punëve të Brendshme dhe Kulturës, Mile Janakievski, Gordana Jankullovska dhe Elizabeta Kançevska Milevska.
Këto akuza janë ngritur pasi kanë të bëjnë me financimin e paligjshëm të partive, për manipulime të pronave, dëmtime të pronave të tjerëve, për shkatërrimin e paligjshëm të pajisjeve të përgjimit, për nxitje dhune dhe një sërë akuzash të tjera. (J.V/Shuplaka)
