Pasi u bë pre e një tentative për përdhunim nga pronari i saj disa ditë më parë, një 18-vjeçare nga Tirana ka rrëfyer publikisht momentet e tmerrit.
E reja me inicialet K.Z që punonte si shitëse butiku, ka treguar e përlotur çastet kur pronari e dhunoi fizikisht dhe kërcënoi me fjalët: “pas përdhunimit do të vras”.
“I thashë pse e ndalon makinën? Tha ‘do pi një cigare’ dhe uli siguresat e dyerve. Tentoi të më përdhunonte. U përpoqa me të gjitha forcat. Më gjuante. Më thoshte do të vras, ky është qëllimi im. U përpoqa për 30 minuta me te gjitha forcat e mia që të lirohesha”-ka rrëfyer vajza.
E reja në gjendje të vështirë ekonomike është shfaqur në emisionin “Studio e hapur” ku ka treguar gjurmët e dhunës së shefit, mbi trupin e saj.
Në mëngjesin e 22 Janarit, pronari e mori vajzën në makinën e tij me pretendimin se do të udhëtonin drejt Elbasanit për furnizimet e dyqanit por, në mbrëmjën e vonë ka ndaluar në zonën e Mulletit ku edhe tentoi të abuzonte seksualisht me të.
Pas kërcënimeve vajza u hodh nga makina, vrapoi drejt rrugës ku i dha ndihmën e parë një makinë e rastit dhe e dërgoi drejt patrullës së policisë së Elbasanit.
Ndërkaq policia ka arrestuar pronarin e butikut, 39-vjeçarin Besim Lami, për të cilin rezulton nga hetimet se ka patur dënime të tjera për prostitucion. (A.H/SHUPLAKA)
Discussion about this post