Koordinatorja në Partinë Demokratike, Endira Bushati ka treguar një histori të familjes Mëniku ku në këto 25-vjet nuk kanë gjetur drejtësi.
Sipas saj kësaj familjeje i është njohur pronësia mbi truallin 3000 m2 në Bulevardin “Gjergj Fishta” Tiranë (pas UET), në vitin 1996 nga Komisioni i Kthimit të Pronave, por, aty është ndërtuar pa leje dhe legalizuar prona e dikujt tjetër. Më tej ajo shton se në Prill të vitit 2016, familja Mëniku konstaton shembjen e objekteve shtetërore dhe tashmë, për truallin e lirë, me pronësi të njohur, i drejtohet për kthim Agjencisë së Trajtimit të Pronës. “Por, ka Shtet këtu! Këshilli i Ministrave ia ka kaluar OSHEE, (në kundërshtim me ligjin e pronave) objektet shtetërore në administrim, për t’i përdorur për zyra, me ndalimin për t’i tjetërsuar”, shkruan Bushati.
Më tej ajo shton se OSHEE merr leje “ndërtimi dhe rikonstruksion” pranë Këshillit Kombëtar të Territorit.
Endira ngre edhe pyetjen: Po a ka gjykatë sot që mund të ketë guximin të shpallë të pavlefshëm Lejen e Ndërtimit dhe VKM që i jep Rama-Carapuli-Çelës 6 milionë euro, edhe pse është ndërtuar mbi pronë të njohur ish-pronarëve????? Si thoni, ka?
Statusi:
“Një rast nga Kërcënimet me Vetting… Historia e Familjes Mëniku është historia e të gjithë ish-pronarëve këto 25 vjet… I është njohur pronësia mbi truallin 3000 m2 në Bulevardin “Gjergj Fishta” Tiranë (pas UET), në vitin 1996 nga Komisioni i Kthimit të Pronave. 400 m2, të lira, është kthyer fizikisht. Por, aty është ndërtuar pa leje dhe legalizuar prona e dikujt tjetër. Për objektet shtetërore (ish Ndërmarrja Gjeofizike dhe ish Uzina Mekanike, familjes Mëniku i është njohur e drejta e parablerjes. Në Prill 2016, Familja Mëniku konstaton shembjen e objekteve shtetërore dhe tashmë, për truallin e lirë, me pronësi të njohur, i drejtohet për kthim Agjencisë së Trajtimit të Pronës. Por, ka Shtet këtu! Këshilli i Ministrave ia ka kaluar OSHEE, (në kundërshtim me ligjin e pronave) objektet shtetërore në administrim, për t’i përdorur për zyra, me ndalimin për t’i tjetërsuar. OSHEE merr leje “ndërtimi dhe rikonstruksion” pranë Këshillit Kombëtar të Territorit (KKT). OSHEE shemb ndërtesën e vjetër 5 kate dhe 3 kate, edhe pse thjesht ka tagra administrimi, pa një akt, pa një leje, pa një copë letër… Edhe një tender për godinë të re, me vlerë rreth 6 milionë euro që e fiton Carapuli… Dhe Familja Mëniku ka nisur kalvarin gjyqësor… Gjithë ligji i planifikimit i territorit i shkelur në çdo nen… Sot, kishim konkluzionet përfundimtare… Po a ka gjykatë sot që mund të ketë guximin të shpallë të pavlefshëm Lejen e Ndërtimit dhe VKM që i jep Rama-Carapuli-Çelës 6 milionë euro, edhe pse është ndërtuar mbi pronë të njohur ish-pronarëve????? Si thoni, ka? Dhe prit…. Për Vettingun vetëm sa ka ulëritur në ekrane…. Imagjinoni kur të fillojë zbatimin….”, shkruan Bushati. (J.V/Shuplaka)
