Dita e sotme ishte mjaft e tensionuar, përveç vrasjes së ish-shefit të krimit ekonomik Ervin Dalipaj dhe mikut të tij Juxhin Dautaj, por edhe për shkak të negociatave mes mazhorancës dhe opozitës, të ndërmjetësuara nga zyrtarë të BE-së.
Pavarësisht përpjekjeve të tyre, negociatorët Knut Fleckenstein dhe David McAllister nuk arritën dot të mundësonin një marrëveshje mes kryeministrit Edi Rama dhe kreut të opozitës Lulzim Basha.
Gazetarja Sonila Meço, shprehet se pikat e propozuara në draftin e eurodeputetëve për dy palët, vijnë pak me vonesë.
“Po pse dalin tani këto propozime dhe dy vjet nuk ua vari kush zgjedhjeve? As shqiptarë e as ndërkombëtarë?
Pse nuk u vunë priroritetet më herët kur sot në deklaratë pranohen prej eurodeputetëve nga nevoja për dekriminalizimin, lufta kundër narkotikëve, ndryshimet teknike e politike për krijimin e besimit në sistem?
Pra u desh të vinin dy eurodeputetët që të mësonim prioritetet e vërteta për Shqipërinë?”, ngre si pyetje gazetarja.
Negociatorët, propozuan sot mjaft pika për dy palët, duke filluar që nga data e zgjedhjeve e deri te ndryshimi i strukturave qeveritare.
REAGIMI I PLOTË I MEÇOS
“Nga deklarata mësuam se:
‘Të dy deputetët McAllister e Fleckenstein paraqitën propozime që përfshijnë pika mbi dekriminalizimin, luftën kundër narkotikëve, masat teknike për përmirësimin e zhvillimit të zgjedhjeve dhe masat e ndërtimit të besimit politik.
Ata gjithashtu propozuan ide për diskutim mbi datën e zgjedhjeve dhe ndryshimet e mundshme para-zgjedhore në strukturat qeveritare për të ndërtuar besimin afatgjatë në sistem.”
Madje pohohet për garanci deri emërim policësh nga opozita e një numër shumë i madh vëzhguesish ndërkombëtarë.
Po pse dalin tani këto propozime dhe dy vjet nuk ua vari kush zgjedhjeve? As shqiptarë e as ndërkombëtarë?
Pse nuk u vunë priroritetet më herët kur sot në deklaratë pranohen prej eurodeputetëve nga nevoja për dekriminalizimin, lufta kundër narkotikëve, ndryshimet teknike e politike për krijimin e besimit në sistem?
Pra u desh të vinin dy eurodeputetët që të mësonim prioritetet e vërteta për Shqipërinë? A është ky dështim edhe i diplomacisë në vend bashkë me politikën që u morën dy vjet vetëm me reformën në drejtësi, duke u mohuar shqiptarëve problemin thelbësor e real në vend, zgjedhjet?”(D.D/Shuplaka)
