Jurgen Klopp njihet për përgjigjet e tij epike në intervista të ndryshme dhe për shakatë e tij ‘pa kripë’ që bën herë pas here.
Kështu ai edhe njëherë tjetër i ka tejkaluar pritshmëritë me batutën për lojtarët e tij. Klopp u ka thënë atyre të stërviten lakuriq në prag të ndeshjes ndaj Manchester City-t.
Trajneri i Të Kuqve ishte në humor shumë të mirë në prag të ndeshjes së kthimit të çerekfinaleve të Champions League.
Dhe ai ka bërë shaka me lojtarët e tij se askush nuk do t’i vinte re nëse ishin lakuriq pasi të gjithë do ta kishin mendjen tek magjistari Mohamed Salah i cili dhe është kandidati kryesorë për çmimin “Këpuca e Artë”.
“Është një grup shumë i mirë dhe, me Mo, të gjithë djemtë janë krenarë për sezonin që po kalon.
“Kur erdhëm në Mançester për ndeshjen e kthimit, u thashë djemve ‘Ejani djema, të dalim në stërvitje lakuriq pasi askush nuk do ta vë re – ata duan vetëm Mo’.
“Tani do të shkojmë në Romë. Besoj se do të jetë e njëjta gjë. Por nuk ka problem.” (B.H/Faxweb)
