Kryebashkiaku i Tiranës Erion Veliaj ka hedhur idenë që festa e Ditës së Verës të zhvendoset në datën 17 mars këtë vit, për shkak se është parashikuar se me datë 14 do të ketë mot të keq.
Të shumta kanë qenë reagimet lidhur me këtë plan të Veliajt duke e kundërshtuar dhe ironizuar ku një ndër ata është edhe ish-ministri i Drejtësisë, Ylli Manjani.
Sipas tij, Dita e Verës është një festë zyrtare e vendosur me ligj dhe jo me rrjete sociale, dhe konsiderohet si një ditë feste dhe pushimi.
Manjani ka ironizuar Veliajn duke u shprehur: “Le pastaj, kur bën sikur po pyet popullin!!! Kur ja zë sheshet e driten e diellit me kulla nuk ndihet!!”.
Reagimi i plotë:
Dikush ti tregojë Kryetarit të Bashkisë Tiranës se dita e verës është ditë feste zyrtare dhe ditë pushimi e vendosur me LIGJ.
Ja ku e ka, në nenin 1, pika g!
Është vendosur me ligj festa dhe pushimi dhe jo me Twitter, as me FB e as me Instagram. Ligji nuk ja ka lënë të drejtën as të shtyjë e as të vendosë data të reja Kryetarit të Bashkisë!
Populizmi është thjesht akt i pështirë paligjshmërie! ???
Le pastaj, kur bën sikur po pyet popullin!!! Kur ja zë sheshet e driten e diellit me kulla nuk ndihet!!
Turp!
(F.GJ/FAXWEB.AL)
Discussion about this post