Akademiku Rexhep Qosja ka hedhur një ide për një shkëmbim territoresh midis Kosovës dhe Serbisë. I ftuar në “ Zonën e Debatit” në Klan Kosova, Qosja ka thënë se Veriu i Kosovës duhet t’i jepet Serbisë dhe Lugina e Preshevës duhet ti kalojë Kosovës.
Po ashtu, Qosja është shprehur i gatshëm të bisedojë me serbët për çështjen e Kosovës.
Akademiku deklaron se e vetmja rrugë për të zgjidhur këtë çeshtje është një shkëmbim territoresh me Serbinë.
“ Çështja serbe mund të zgjidhet duke marrë Kosova Luginën e Preshevës dhe t’i jepet Serbisë pjesa veriore e Kosovës. Kjo nuk është aspak e lehtë dhe ne duhet ta mendojmë se Serbia nuk do të pajtohet lehtë me këtë ide. Por, është një ide në të cilin ne duhet ta kemi përpara gjithnjë”, është shprehur Qosja.
Më pas ai ka shtuar se tani për tani, pajtimi i shqiptarëve dhe serbëve është utopik dhe i pamundshëm. “ Ata nuk e heqin mendjen nga një koncept i para 300-400 vjetëve. Serbia sundohet nga njerëz që jetojnë me mitologji”, thekson ai.
Shqipëria dhe Kosova do të bashkohen. Se si do të zgjidhet problemi i veriut dhe i Luginës së Preshevës varet nga ne dhe mençuria e këmbëngulja jonë. Por ne do te bashkohem” e mbyll Rexhep Qosja. (K.P/Shuplaka)
Discussion about this post