Kryeministri Edi Rama dhe kreu i opozitës Lulzim Basha, finalizuan sot marrëveshjen për zgjidhjen e krizës politike. Në këtë marrëveshje përfshihej ndërrimi i 6 ministrave, të cilët do të zëvendësohen nga emra të propozuar nga opozita por që nuk janë pjesë e politikës.
Kështu gazetari Muhamed Veliu ka propozuar kandidaturën e tij për postin e ministrit të Financave. Bëhet fjalë për kolegun e tij gazetar, Klodian Tomorri, i cili sipas Veliut është kandidati ideal për të zëvendësuar Arben Ahmetajn.
“Zhvillimet e fundit politike nje rast i arte per nje teknicien te behet minister. Behet fjale per Klodian Tomorri i cili me ekspertizen dhe pasionin per ekonomine do te ishte nje propozim ideal ne drejtimin e financave te vendit.”, shkruan Veliu, por sigurisht kjo është një retorikë e tij për situatën e krijuar.
Në fakt Tomori është një nga gazetarët më të mirë të ekonomisë në Shqipëri dhe nuk do kishte asgjë për t’u çuditur nëse do zgjidhej ai si ministër, fundja pse jo. (D.D/Shuplaka)
