Katër ditë më parë u publikua lajmi për shkatërrimin e bandës së prostiucionit gjatë operacionit “Free Taxi”, ku u vunë në pranga 11 persona, mes tyre 3 femra tutore dhe u proceduan penalisht 10 persona, mes tyre 6 femra që shërbenin si prostituta.
Detaje të reja janë bërë me dije lidhur me skemën e prostitucionit, nga zbardhjet e përgjimeve ku mësohet se si bëhej porosia për një prostitutë.
Burime të sigurta të “GSH” bënë me dije se nga përgjimet ka rezultuar se gati një muaj para operacionit për prangosjen e 11 personave, polici Elton Shtrepi (i arrestuar gjithashtu) është telefonuar nga një person që i ka kërkuar “një taxi të mirë” (prostitutë), pasi i kishin ardhur dy shokë nga Maqedonia.
Nga përgjimet e datës 10.01.2017 rezulton se shtetasi Elton Shtrepi me numër 06941xxxx, telefonohet nga numri 0696xxxxx, i cili i kërkon Eltonit numrin telefonik të Genit (Maringlen Ahmetaj) sepse i duhet një “taksi e mirë” (femër). Eltoni i përgjigjet që Geni është në gjumë, merre vetë në darkë dhe të kryen hall.
Shtrepi i ka sugjeruar kontaktin me Genin (Margilen Ahmetaj, koka e grupit), duke i dhënë numrin e telefonit të tij. Rreth orës 22:10, shtetasi Elton Shtrepi me numër 06941xxxxx ka zhvilluar një bisedë në celular me shtetasin Maringlen Ahmetaj me numër 0698xxxxx, ku i thotë se “një shoku im do një ‘taksi’. Ia gjejmë të dali? …Flasim për çmimin, të merr (tel) vetë ai. Është ai, N…… që ishim te cepi”
Gjatë bisedës flasin edhe për femrat me emra si “Nona” (e identifikuar si shtetasja Marsilda T.) etj., por Maringleni i thotë që i ka të gjitha të zëna për momentin.
Më pas, klienti mësohet të jetë takuar me Mariglen Ahmetaj, ku para takimit, i ka kërkuar: “më bëj telefon, mos fol me Tonin”. Në orën 16:07, Maringleni i telefonon këtij shtetasi dhe i thotë “ku je, atje ku më the”? Pas aprovimit, shtetasi Maringlen Ahmetaj fillon të telefonojë vajzat për t’i dërguar atje.
(XH.A/SHUPLAKA)
