Protesta/ Braimllari flet për qeveri tranzitore, zbulon skenarin e opozitës

Deputeti i Lëvizjes Socialiste për Integrimin Endrit Braimllari i ftuar në Fax News foli mbi çështjet e akutualitetit politik në vend.

Duke komentuar protestën e opozitës me datë 16 shkurt, Braimllari u shpreh se vendi ka nevojë për një qeveri tranzitore që të zhvillohen zgjedhje të lira.

“Nuk vendos unë për emrin se kush mund të drejtojë qeverinë. Vendi ka nevojë për një qeveri tranzitore që krijojë mundësinë e  zgjedhjeve të lira dhe të ndershme dhe për një reformë zgjedhore që i jep liri qytetarit.

Vetëm një qeveri tranzitore me një kryeministër tjetër do të jetë kushti që protesta të përfundojë. Nuk bëhet fjalë të ikë Rama dhe të vijë Basha, por të garantohet një proces zgjedhor i drejtë.

Në këtë mënyrë një person brenda PS, por pa cilësitë e Ramës që ne besojmë, përshembull është Pandeli Majko, i cili mund të garantojë zgjedhje brenda standarteve. Qeveria tranzitore duhet për ti hapur rrugë çeljes së negociatave. Kryefjala është çelja e negociatave.”- u shpreh Braimllari.

(M.Q/Faxweb.al)