Kreu i PD Lulzim Basha do të mbledhë sot në orën 12.30 Këshillin Kombëtar dhe grupin e kandidatëve të kësaj partie për deputetë në funksion të protestës kombëtare të 13 prillit që do zhvillohet përpara Kryeministrisë.
“Neser, e hënë, datë 8 Prill 2019, ora 12.30, nën drejtimin e Kryetarit Basha do të zhvillohet mbledhja e përbashkët e Këshillit Kombëtar dhe grupit të kandidatëve të PD-së për deputetë, për masat organizative për vijimin e aksionit politik dhe protestën e 13 Prillit”, thuhet në njoftimin që u është shpërndarë anëtarëve të Këshillit Kombëtar dhe kandidatëve.
Opozita e bashkuar joparlamentare kërkon largimin e qeverisë Rama dhe vendosjen e një qeverie tranzitore duke kërkuar zhvillimin e zgjedhjeve të lira dhe të ndershme në vend.
Protesta që do të zhvillohet më 13 prill është protesta e 9-të që opozita do të zhvillojë gjatë 3 muajve të fundit.
Ndërkohë që sot pritet ardhja e zyrtarit të lartë amerikan Palmer, që mendohet se do të ketë një rol kyç në zgjidhjen e krizës në Shqipëri.(Lexo ketu).
