Në një kohë kur Partia Demokratike dhe opozita e bashkuar kanë planifikuar protestën e 5-të kombëtare ditën e sotme, detaje të reja bëhen të ditura për mediat.
Mësohet se për shkak të gjendjes shëndetësore të Sait Dollapit, vendin e tij për komunikimin me policinë do ta marrë Ervin Minarolli.
PD i bën thirrje punonjësve të policisë që të distancohen nga aktet e dhunës ndaj protestuesve.
Kujtojmë se protesta e sotme Kombëtare, mbahet dy ditë pas asaj të 11 majit, dhe koha e organizimit të saj ka qenë shumë e shkurtër, dhe e ndikuar nga aktet e dhunës së ndërsjellë që u shënuan mbrëmjen e së shtunës.
Njoftimi i shpërndarë nga PD për mediat:
Partia Demokratike i ka ftuar qytetarët sot në një tjetër protestë kombëtare “për Shqipërinë si Europa”, por ndryshe nga manifestinet e tjera antiqeveritare, ky i sotmi do të jetë një marshim proteste. Qytetarët janë ftuar në këtë marshim proteste për mbrojtjen e demokracisë dhe shkëputjes së politikës nga krimi, si garanci për zgjedhje të lira e të ndershme dhe qeverisje të përgjegjshne qe punon për mirëqenien e qytetarëve.
Në këtë protestë mungon sekretari organizativ i PD, Sahit Dollapi, i cili po merr trajtim intensiv në spital nga plagët e rënda të dhunës. Sahit Dollapi ka qenë në çdo protestë pikë kontakti për policinë, siç e kërkon ligji, ndërsa sonte do të jetë Sekretari i Burimeve Njerëzore Ervin Minarolli.
Në njoftimin që PD i ka dërguar policisë për marshimin e protestës, u ka kërkuar punonjësve të ndershëm të policisë së shtetit të mos bëhen pjesë e provokimeve dhe dhunës së paligjshme kundër qytetarëve.
“Policia e shtetit, në mënyrë të përsëritur, ka kryer akte dhune ndaj qytetarëve në mënyre kriminale dhe me urdhër politik, për te cilat PD ka kryer kallëzim penal”- thuhet në letrën e Sekretarit të Përgjithshëm Gazment Bardhi, duke iu referuar kallëzimit të pak kohëve më parë për përdorimin kriminal të gazit helmues kundër protestuesve paqësorë.
(E.K/FAXWEB.AL)
Discussion about this post