Kryetari i Partisë Demokratike, Prof. Dr. Sali Berisha gjatë mbledhjes me aleatët e Federatës së Bashkuar, ftoi të gjitha partitë opozitare të bashkohen në një front të përbashkët kundër qeverisë së Edi Ramës, duke e akuzuar atë për udhëheqjen e një narkoshteti dhe organizate kriminale. Berisha theksoi rëndësinë e bashkimit të opozitës për të sfiduar këtë regjimin të korruptuar, duke e cilësuar si më të keqin në histori, dhe kërkoi që forcat politike të lënë mënjanë dallimet dhe të veprojnë së bashku për të pasur sukses.
Kryedemokrati, Sali Berisha akuzoi kryeministrin Rama si “bir shpirtëror” të Xhorxh Sorosit, duke e akuzuar për zbatuar doktrinën e tij ekstremiste në Shqipëri, që sipas tij ka kërcënuar familjen dhe traditat shqiptare. Berisha theksoi se Rama ka shkelur ligjin elektoral dhe ka vazhduar mashtrimet ndaj shqiptarëve. Lideri demokrat, Sali Berisha e përshkruan fitoren e Donald Trump në SHBA si një disfatë për Sorosin dhe e shikon si një fitore për shqiptarët. Berisha e cilësoi 5 nëntorin si një ndarje historike të epokave.
Kryetari i PD, Sali Berisha, në kuadër të protestës së 8 shkurtit, kritikoi në tone të ashpra kryeministrin Rama, duke e akuzuar për abuzime me shpenzimet e shtetit dhe për pasigurinë që ka krijuar për pensionistët shqiptarë. Berisha e quajti të papranueshme që një kryeministër të konsumonte një shishe vere 33 mijë euro, kur shumica e pensionistëve kanë të ardhura shumë më të ulëta dhe përballen me vështirësi të mëdha ekonomike. Berisha kritikoi gjithashtu dhunën ndaj ish-presidentit dhe ish-kryeministrit, të cilit iu mohua e drejta e mbrojtjes ligjore.
Discussion about this post