Aktorët edhe pasditen e sotme sërish kanë dalë në protestë kundër prishjes së Teatrit Kombëtar.
Fjalën si fillim e ka marrë Mirush Kabashi, i cili tha se së bashku me grupin tjetër të aktorëve kanë polimizuar më shumë se 2 orë e gjysëm me Veliaj.
Ai tha se nuk mund të merret qoftë edhe vendimi më i vogël pa u komunikuar me komunitetin e artistëve.
Gjithashtu Kabashi shtoi se kryebashkiaku është munduar ti bind aktorët për ndërtimin e një teatri modern.
“Turp për poltikën që po imponon ligjet e diktaturës”, tha aktori në vazhdimin e fjalisë së tij, duke theksuar se në këtë vend po rikthehet diktatura, ku çdo vendim merret pa konsensus të palëve.
Aktori përmendi tre faktor ku duhet të mbështetet qeveria: Si fillim nëse duhet të rikonstrukturohet apo të ndërtohet një i ri. E dyta nëse fondet do të jenë të shtetit apo fonde private. E treta duhet të jetë e gjithë sipërfaqja ekzistuese e territorit të teatrit, nga fillimi dëri në fund .
Është një turp për politikën shqiptare që ne artistëve na kanë imponuar një ligj dictatorial, se nuk më del inati në këtë mes. Ne atëherë konsideroheshim ndihmës të partisë në edukimin e masave, se ajo bënte politikën për artin dhe artistët duhet të prodhonin një art të lustruar socialist, jo realist.
E sot pas 30 vetesh, politikat e artit i vendos qeveria në mbledhjet e qeverisë. Nuk duhet të ketë politikë qeveritare apo partiake për artin, ai duhet t’i nënshtrohet vetëm Kushtetutës,” tha ai.
(E.V/Faxweb.al)
Discussion about this post