Banorët e Astirit kanë dalë si çdo mbrëmje në rrugë duke bërë edhe bllokimin e saj në protestën e tyre marathon me të cilën kërkojnë anullimin e projektit të Unazës së Madhe dhe largimin e qeverisë së drejtuar nga kryeministri Edi Rama.
Të pranishëm në protestën e tyre ishin të pranishëm edhe përfaqësues të opozitës, midis tyre edhe ish-deputeti Klevis Balliu, i cili bëri thirrje për bashkim të qytetarëve në protestat e vazhdueshme deri në rrëzimin e qeverisë.
Ai kërkoi edhe lirimin e të arrestuarve midis të cilëve është edhe Dorian Protoduari, duke argumentuar se arrestimi i tyre është bërë në mënyrë të padrejtë, dhe duke paralajmëruar se nëse policia dhe qeveria do të sillen në të njëjtën mënyrë, do të ketë edhe përshkallëzim të protestave.
“Do të bëjmë çdo gjë, do të sakrifikojmë çdo gjë deri sa ky kryeministër të shkojë përpara drejtësisë. Vendi ka vitë që është pa institucione të drejtësisë, dhe ju bëj thirrje atryre që dalin nëpër emisione elevizive ta përmendin këtë gjë, të rreshtohen përkrah qytetarëve. Ju bëj thirrje të bashkohemi për të sjellë njëherë e mirë zgjedhje të lira dhe ë ndershme. Nuk ka mënyrë tjetër, ndaj për hatër të fëmijëve tuaj duhet ta fitojmë këtë betejë me çdo kusht. Dorian Protoduari është arrestuar pa të drejtë, ndaj siç erdhëm tek Drejtoria e Policisë do të shkojmë edhe tek gjykata dhe nëse nuk e lirojnë dhe nëse sillen në të njëjtën mënyrë ne do ti përshkallëzojmë protesta”.
Balliu foli edhe rreth kërkesës që e ka parashtruar më herët Presidenti Meta për dialog midis palëve por pa cituar askën, duke thënë se Edi Rama dialogon vetëm me kriminelët dhe me Bajrat. Ai tha se opozita dhe populli nuk voton me Bajrat.
“Ti je një hiç je një asgjë dhe do të kesh fundin në bazë të asaj çfarë ke shkaktuar tek njerëzit. Ti nuk njeh dialog, ti njeh vetëm mashtrime. Ti je mësuar të bësh marrëveshje vetëm me banditët.
Të dialogosh me ty do të thotë të dialogosh me Bajrat, unë nuk dialogoj me ty, nuk dialogoj me Bajrat, populli nuk dialogon me Bajrat. Të gjithë bashkë si shqiptar do të largojmë ant-shqiptarin, atë që mbushi sheshet me gazra dhe xhepat me paratë e shjqiptarëve”.
https://www.facebook.com/faxweb.al/videos/283201275940618/
(F.GJ/FAXWEB.AL)
Discussion about this post