Sekretari i Përgjithshëm i Partisë Demokratike, Gazment Bardhi i është përgjigjur deklaratës së bërë nga ministri i Brendshëm, Sandër Lleshaj për protestën e banorëve të “Unazës së Re”, banorët e të cilës i quajti parapolitik.
Bardhi shprehet se Sandër Lleshaj jeton në 2 shtëpi të padeklaruara. Gazment Bardhi akuzon Ministrin e Brendshem se nuk mund ta kuptojë qëndresën për shtëpive të ndërtuar me djersë.
Reagimi i plotë i Gazment Bardhit:
“Sander Lleshaj nuk mund ta kuptojë qendresën e burrave, grave dhe fëmijëve në mbrojtje të shtëpive të tyre nga fadroma e korrupsionit të shefit të tij Edi Rama, sepse Sandër Lleshaj nuk ka derdhur ndonjëherë djersë për shtëpinë e tij.
Ai jeton në dy shtëpi të padeklaruara. Për njërën ka marrë kredi të butë nga qeveria që në 2009 dhe, në mënyrë të paligjshme, nuk e ka përdorur deri në vitin 2018, sa janë të dhënat zyrtare.
Shtëpia tjetër ku Sandër Lleshaj jeton është në Lalz, por ajo nuk figuron askund. Të gjithë e dinë që ministri katil, që nxjerr policinë kundër grave dhe fëmijëve, por nuk lufton krimin, jeton sa pranë qendrës së Tiranës, aq në Gjirin e Lalzit, në shtëpi të padeklaruara.”
(F.GJ/FAXWEB.AL)
