Banorët e Astirit janë mbledhur fillimisht në vendin e zakonshëm, pranë “Sheshit Shqiponja” ku kanë bërë thirrje për lirimin e protestuesve që mbahen të arrestuar në Drejtorinë e Policisë së Tiranës.
Ata bashkë me disa përfaqësues të opozitës kanë nisur në këmbë marshimin për tek Drejtoria e Policisë ku po qëndrojnë prej rreth 2 orësh në shenjë protestë për lirimin e të afërmve të tyre.
Protesta e tyre ka hyrë në ditën e 147 dhe bëhet kundër shembjes së shtëpive të tyre për vijimin e punimeve për ndërtimin e Unazës së Re.
Protestës së tyre i është bashkuar edhe ish-deputeti i PD-së, Bardh Spahia, i cili i ka quajtur arrestimet e protestuesve si një alternativë e dështuar për të patur ndikim në pjesmarrjen e qztetarëve në protestë.
Sipas Spahisë, protestuesit janë shoqëruar pa asnjë motivacion. Ai bëri të ditur se të ndaluarit janë nga qytete të ndryshme të vendit dhe që janë shoqëruar me motive qesharake ku sipas tij, 26, 6 janë shpallur në kërkim dhe 7 mbahen në qelitë e paraburgimit për momentin.
“Arrestimet e protestuesve janë një alternativë e dështuar që nuk ndikon aspak në pjesmarrjen e qytretarëvë, përkundrazi kjo shton rrevoltën ndaj këtyre politikanëve që na përfaqësojnë. Fundi i krimit dhe diktaturës që po instalon Rama dhe banda e tij është i afërt. Këto tentative janë thjeshtë të dështuara që nuk fikësojnë askënd, madje shtojnë vendosmërinë për ti shkuar deri në fund. Motivacionet e ndalimeve janë të ngjashëm me motivacionet e diktaturës së errët. Duke treguar papërgjegjeshmërinë dhe ndikimin e fortë politikë për të mbrojtur Edi Ramën dhe bandën e tij”.
Arsyeja e shtyrjes se protestuesve më policinë ka qenë sipas Spahisë, provokimi i disa civilëve të vendosur pas efektivëve me uniformë.
Ndërkohë ngjyrosja e Ministrisë së Brendshme me të zezë ishte sipas tij, simbolika më e mirë e fytyrës së vërtetë të asaj ministrie. “Tani është marrë vendimi, protesta është mënyra e vetme për të larguar këtë bandë kriminale nga pushteti. Të cilët kanë blerë votat me paratë e drogës dhe kanë dalë hapur përkrah krimit dhe kriminelëve”, deklaroi Spahia.
https://www.facebook.com/faxweb.al/videos/852559555093329/
(F.GJ/FAXWEB.AL)
Discussion about this post