Ka nisur seanca gjyqësore për të ndaluarit e protestës e së enjtes para Kuvendit. Kjo seancë gjyqësore do të kryesohet nga gjykatësi, Besnik Hoxha. Prezentë në sallën e gjyqit deputetët e opozitës, Endrit Brahimllari, Klevis Balliu, Klajda xhoshaj, Ervin Salianji, Kejdi Mehmetaj, Edi Paloka, Silvia Caka dhe Edmond Spaho.
Kujtojmë se policia e Tiranës pas përshkallëzimit të protestës përballë godinës së sallave plenare të Kuvendit të Shqipërisë, ka shoqëruar 11 shtetas.
– Alban Ahmetcenaj, 36 vjeç;
– P. A., 17 vjeç;
– Fluturim Goleci, 30 vjeç;
– Rruzhdi Daci, 53 vjeç;
– Marsel Villari, 28 vjeç;
– Erjona Dozhani, 30 vjeç;
– Lulzim Dozhani, 45 vjeç;
– Dorjan Protoduari, 30 vjeç (i shpallur më parë në kërkim nga Kom. Pol. nr.6, për veprën penale “Organizimi dhe pjesmarrja në grumbullime dhe në manifestime të paligjshme”);
– Ali Nalic, 35 vjeç;
– Amarildo Sinanaj, 30 vjeç;
– Shpati Bilbili, 31 vjeç.
Arrestimi i tyre u bë për veprat penale “Plagosje e rëndë me dashje”, “Organizimi dhe pjesëmarrja në grumbullime dhe në manifestime të paligjshme”, “Prishje e rendit dhe qetësisë publike” si dhe “Goditja për shkak të detyrës”.
(J.D/Faxweb.al)
