Kryetari i Këshillit të Agrbiznesit Shqiptar Agim Rrapaj, i ftuar në Fax News foli rreth problemit të tregtarëve ditët e fundit në tregun e Korçës.
Megjithëse pas protestës së fermerëve bashkia caktoi një orar të ri për aktivitetin në harkun kohor nga ora 24 e mbrëmjes deri në 08 të mëngjesit, por fermerët u shprehën se orari është i papërshtatshëm.
Rrapaj tha se kërkesa e fermerëve është themelore, problemi i tregut në Korçë nuk ka gjetur asnjë zgjidhje.
“Vendimet për fermerët duhet të merren pas konsultimeve me ta. Fakti që ne heqim dorë dhe mendojmë se vetëm me grante ne do të zgjidhim problemin, është e gabuar. Menduam se me grantet prej 2 milionë eurove që dha BE mund ti zgjidhnim problemet, në fakt ai ishte vetëm një nxitje. Problemi i tregjeve nuk është vetëm Korça por në rang vendi. Mishi, qumështi etj… nuk janë në nivelin e duhur, fermerët e Lushnjes na kanë dhënë një mësim, ato të Korçës po na japin një mësim për ti zgjidhur me çdo mjet problemet e tyre.”- u shpreh Rrapaj.
(F.GJ.Faxweb.al)
