Me anë të një Vendimi të Këshillit të Ministrave pas një propozimi të bërë nga Ministria e Bujqësisë qeveria ka vendosur shtimin e shumës prej 84 000 000 lekësh për pagesat për dorëzimin e qumështit, lëndë e parë nga fermerët.
Gjithashtu është marrë vendimi që fermerët të fitojnë 10 lekë për çdo litër qumështi ku konkretisht në këtë vendim thuhet se: “Dorëzim qumështi lëndë e parë, në vlerën 10 lekë për litër në pikat e përpunimit, për fermat që mbarështojnë lopë dhe/ose të imëta, kundrejt faturës tatimore të shitjes, por jo më shumë se 700 000 (shtatëqind mijë) lekë për subjekt.”.
Ndërkohë bëhet me dije se fondi në fjalë prej 84 000 000 lekësh do të mbulohet nga buxheti i vitit 2019, miratuar për Ministrinë e Financave dhe Ekonomisë, përkatësisht, dhe zbatimi I saj I ngarkohet Ministrisë së Bujqësisë dhe Zhvillimit Rural dhe Ministrisë së Financave dhe Ekonomisë.
Lidhur me këtë vendim ka folur edhe Ministri Bledi Çuçi i cili ka deklaruar se fermerët do të fitojnë subvencione me një vlerë prej 10 lekësh për çdo litër qumështi.
(F.GJ/FAXWEB.AL)
