Ambasada Amerikane ka lajmëruar pasditën e sotme shtetasit amerikanë dhe qy7tetarët që jetojnë në Tiranë që të shmangin zonat ku pritet të zhvuillohet protesta e nesërme opozitës që pritet të nisë në orën 19:00 para kryeministrisë.
Ambasada shprehet në njoftimin e saj personeli i saj dhe anëtarët e familjes janë drejtuar për të shmangur të gjitha pikat e grumbullimit dhe vendet ku demonstratat janë të pashmangshme ose në vazhdimësi.
“Një demonstrim i madh pritet të zhvillohet pranë Zyrës së Kryeministrit më 8 qershor 2019, duke filluar rreth orës 7:00 të pasdites. Grupi synon të demonstrojë kundër qeverisë shqiptare dhe mund të lëvizë në vende të ndryshme në Tiranë. Kohëzgjatja e demonstratës së pritshme është e panjohur. Demonstrimet e kohëve të fundit kanë përfshirë dhunën. Forcat e sigurisë kanë përdorur ujë dhe gaz lotsjellës për të shpërndarë turmat.
Personeli i Ambasadës së SHBA-së dhe anëtarët e familjes janë drejtuar për të shmangur të gjitha pikat e grumbullimit dhe vendet ku demonstratat janë të pashmangshme ose në vazhdimësi. Ndërtesa e Parlamentit (Tiranë) Zyra e Kryeministrit (Tirana) Ndërtesa të tjera qeveritare (Tiranë)”, shkruan Ambasada.
Kujtojmë se protesta e nesërme do të jetë e 8 në rang kombëtar që ka thirrur deri më tani opozita e cila është e vendosur në kauzën e saj për mos lejimin e zgjedhjeve të 30 Qershorit duke kërkuar njëkohësisht edhe dorëheqjen e kryministrit Rama si kushtin kryesor për zgjidhjen e krizës politike në vend.
Discussion about this post