PD dhe partitë opozitare do të protestojnë mbrëmjen e sotme prej orës 20.00 në Bulevardin “Dëshmorët e Kombit” para Kryeministrisë. Kjo është protesta e parë që prej se Gjykata e Apelit i kaloi vulën e PD-së ish-kryeministrit Sali Berisha. PD ka mobilizuar strukturat në bazë me qëllim që protesta e sotme të jetë më e madhja ndër vite.
Ardjan Muhaj, analist në një intervistë me Skype, për Fax News, me gazetarin Albi Rakip, ëshë shprehur se protesta vjen pasi në këtë vend nuk po shihet shpresë dhe se shumë shqiptarë janë larguar. Sipas Muhaj, ata që janë larguar janë opozita më e fortë, prandaj dhe sot protesta do të jetë për ata të cilët nuk kanë mundur që të qëndrojnë dhe të gjejnë shpresën në Shqipëri.
Ardian Muhaj:
Sot protestojmë për ata që kanë akoma shpresë. Masa se sa e mundur është rikthimi i shpresës, ndryshimi i domosdoshëm nuk varet nga forca e opozitës, varet nga fati i saj. Kjo protestë është përtej të duhurës. Jemi 11 vite që kemi mangësi, për shkak të qeverisë. Është një dekadë ku kanë humbur jo vetëm shqiptarët në Shqipëri, por edhe shqiptarët përtej vendit.
