Pas përfundimit të protestës së zhvilluar nga Partia Demokratike, i ftuar në studio Avokati Gylsen Zhllima, u shpreh se kjo protestë nuk ishte ajo se çfarë pritej. Në studio me gazetarin Albi Rakip, Zhllima u shpreh se Opozita po pret se çfarë do të bëjë Donald Trump me Ramën.
“Kjo protestë solli vetëm protestën e anëtarëve të Partisë Demokratike dhe asgjë nga çfarë prisnim. Kreu i Partisë Demokratike ka thënë që do të rrëzojë Ramën, por është një parti e frenuar. I gjithë fjalimi i mbajtur ishte se çfarë do të bëjë Donald Trump me Ramën dhe jo çfarë do të bëjë opozita me Ramën. Nuk dëgjoba mosbindje civile dhe as zgjedhje të lira. Partia Demokratike kërkon të ngrejë pikat brenda vetes, dhe unë shikoj që brenda PD po bëhet një lojë se si do të fitohen 46 mandate.”
