Nga ora 9 e 30 e ditës së sotme për herë të parë në mandatin e qeverisë Rama 2, opozita do të zbresë në shesh për të protestuar. Nëse në ambjentet e brendshme të Kuvendit, mazhoarnca pritet që të zgjedhë e vetme kryeprokurorin e ri, jashtë do të protestohet.
Nga ana tjetër nga ana e Policisë së Tiranës janë marrë masat, ndërsa një sërë aksesh në kryeqytet do të jenë të bllokuara,.
Në kuadër të zhvillimit të protestës të subjektit të Partisë Demokratike, më datë 18 Dhjetor 2017, ora 09.00 -13.00, para Parlamentit, Drejtoria Vendore e Policisë Tiranë, ju bënë me dije se:
Duke filluar që më datë 17.12.2017, në orën 22:00 dhe deri në përfundimin e protestës ditën e nesërme nuk do lejohet lëvizja e mjeteve në rrugët e mëposhtme:
Rruga “Xhorxh Bush” ( nga Ura e Elbasanit – kryqezimi tek sheshi “Sulejman Pasha”
Spostimi te rruga “Xhorxh Bush” dhe rrugicat që kufizohen me të do filloj nga ora 22:00 e datës 17.12.2017.
Nesër nga ora 07:00 deri në përfundim të protestës në hyrjet e qytetit dhe brenda unazës se mesme nuk do lejohet qarkullimi i mjeteve të tonazhit të rëndë të cilat do devijojnë në Unazën e madhe dhe rrugë të tjera alternative.
Do ketë devijim të trafikut në shumë akse rrugore.
Mjetet e transportit të ardhur nga rrethet nuk do lejohen në brendësi të qytetit dhe do te parkohen:
Tek Terminali në rrugën e “Elbasanit”
Sheshi “Shqiponja”, rruga “Teodor Keko”.
Në hyrje të Kombinatit deri tek varrezat e Kombinatit.
Gjithashtu do te ndalohet futja e mjeteve tek Ura e “Paskuqanit” dhe ura e “Babrroi”.
I sugjerojmë qytetarëve të largojnë mjetet e tyre në rrugët e sipërcituara duke lehtësuar së tepërmi punën e policisë.
Në të kundërt mjetet do spostohen me mjete ngritëse.
Gjithashtu luten qytetarët që të shmangin përdorimin e panevojshëm të automjetit ditën e neserme si dhe segmentet që të lidhin me qendren e qytetit dhe rrugen e Elbasanit për shkak te devijimeve dhe kufizimeve që do fillojnë nga ora 08:00 e mengjesit deri në përfundim të protestes.
(E.K/Faxweb)
