Protesta e opozitës dhe parada e kominitetit të LGBT-s janë të dyja në një ditë. Por a është e gjitha e stisur qëllimisht në këtë mënyrë, apo bëhet fjalë thjesht për një rastësi, këtë e tregojnë dy aktivistët Kristi Pinderi dhe Xheni Karaj në studion e emisionit “Zonë e Lirë” të Arjan Çanit.
“Data jonë ishte vendosur më përpara dhe nuk ka asnjë shkak kompromentimi me protestën e opozitës”, tregon Xheni.
Nga ana tjetër, Kristi tregon se kur kanë marrë vesh për përplasjen mes dy aktiviteteve, kanë komunikuar me eksponentë të PS-së.
“Data 13 është thjesht rastësi dhe për shkak të kësaj u ulëm me eksponentë të PD-së për të gjetur një kompromis, ndërsa me Lulzim Bashën ka komunikuar Xheni. Atë e kemi përfaqësuese të opozitës tek LGBT.”, tregon Kristi Pinderi.
Ndër të tjera, dy aktivistët kanë bërë me dije edhe detajet e aktivitetit të tyre gjatë ditës së nesërme.
“Ne jemi me biçikleta, në një segment krejt ndrysha nga çadra, në fillim diskutohej që do kalonim nga çadra, por kur morëm vesh përplasjen diskutuam dhe vendosëm të mos kalonim andej.
Nuk është paradë si në vendet perëndimore, është një akt proteste, politik, ku ne kërkojmë të drejta të barabarta për komunitetit LGBT për shkak të bullizmit. Ka patur mjaft raste të personave të këtij komuniteti që u është mohuar edhe ndihma mjekësore. Mesazhi jonë për politikën është: Koha e premtimeve skadoi!”, shprehet Xheni.
Kristi dhe Xheni, tregojnë se gjatë këtyre ditëve, aktiviteteve të komunitetit të LGBT-së do t’i bashkohen edhe tre shefa policie nga Londra, dy janë gay dhe njëri tranzseksual.
Gjatë diskutimit, kur Çani e pyeti për debatin e tij me aktorin Julian Deda, Kristi Pinderi u përgjigj se është pikërisht ai që e bën të kuptojë dallimin mes “seriozitetit dhe budallallëkut”.
“Gay parada” fillon në 10:00 në bulevard dhe futet në Bllok për të vijuar rrugën nga liqeni, ndërsa protesta e opozitës do të nisë rreth orës 12:00. Për këtë arsye nuk ka asgjë për t’u shqetësuar lidhur me dy aktivitetet. (D.D/Shuplaka)
Discussion about this post