Në vazhdën e diskutimit të protestave të opozitës i ftuari në studio, Endri Hasa, ish-deputeti i PS-së ka komentuar protestën e ditës së sotme por dhe vijimësinë e saj.
Ai është shprehur i bindur se Policia e Shtetit fut njerëz me maska në protestë dhe këta të fundit jo si civil por për të provokuar dhunën mes protestuesve.
“Unë mund t’ju them se policia fut njerëz me maska, janë pikërisht ata që inicjojnë dhe duan të plotësojnë skenarin e policisë. Policia fut njerëz për të bërë provokime që të çojnë në degradimin e situatës, dhe më pas i shpërndajnë me gazlotsjellës, me ujë.”
Në vazhdim të fjalës së tij ai ka komentuar pamje nga protesta e ditës së sotme dhe shprehet se dhuna është e pranishme evidentuar kjo qartë dhe nga pamjet.
“Këtu është bërë shtetrrethim policor, por nuk tremben njerzit nga shoqërimi në komisariat dhe nga policia. Nuk tremben as nga Edi Rama. Ai ka frikë ti rrijë popullit afër. Meqë është aq i mbështetur nga populli të përballet me ta, le të vijë tek Unaza e Re dhe ta shohim këtë trim. Njerzit i kanë marr fatet dhe vendin në dorë dhe do ti çojnë ato para. Sot ka pasur me mijra qytetar në protestë. Ata nuk janë pjesë e strukturave politike, janë njerëz, sa do të jenë strukturat ato nuk i mbushin dot sheshet. Ka me mijëra qytetar nga rrethet dhe nuk vijn dot sepse nuk i paguaj dot tarifat e rrugës. Ata me shpirt dhe me zemër janë në Tiranë.”
Ndërkohë i pyetur për platformën e opozitës ka thënë : Opozita ka platformë të qartë dhe alternativa që ne i kemi shpalosur me kohë. Ky program është i konsultura më së miri dhe me partit tona simotra.
Mësohet se deri më tani janë ndaluar 6 të rinj dhe sipas përfaqësuesve të opozitë ata janë “rrëmbyer” nga policë pa uniformë.
Opozita sot ka organizuar një tjetër protestë para Kuvendit në vazhdën e protestave që vazhdojnë prej më shumë se 1 muaji duke kërkuar rrezimin e qeverisë Rama, ngritjen e një qeverie teknike si dhe mbajtjen e zgjedhjeve të parakoshhme.
https://www.facebook.com/faxweb.al/videos/2293347524019220/
Discussion about this post